၂၁-၁၀-၀၉ (သို့) ဒဏ်ရာ

အချိန်တွေကတော့ တရက်ပြီးတရက် တပါတ်ပြီးတပါတ်
တလပြီး တလ ကုန်လာခဲ့ပြီ.....

အချိန်တွေသာပြောင်းသွားခဲ့ပေမယ့်..
ကောင်မလေးနဲ့ ကောင်လေးတို့ရဲ့ ဖြစ်နေကြ ပြသာာနာတွေကတော့
မပြောင်းလဲသွားခဲ့ပါဘူး....

ဖြစ်မြဲဖြစ်နေဆဲပါပဲ.... နောက်လဲဖြစ်နေဦးမယ်ထင်တာပါပဲ...
တခါပြသာနာဖြစ်လိုက်တိုင်း တခါ တော်တော်ကိုဆိုးပါတယ်....
အဲ့ဒီလို ပြသာနာတွေကို မဖြစ်စေချင်လို့ နှစ်ယောက် သေသေချာချာ တိုင်ပင်တာလဲ
မနည်းတော့ပါဘူး...

ဒါပေမယ့် အခြေအနေ အချိန်အခါ အရ ကံကြမ္မာကပေးလာတဲ့ ပြသာာနာတွေကို
မဖြေရှင်းနိုင်ခဲ့ဘူး....
ဒီလိုနဲ့ ကောင်မလေးနဲ့ကောင်လေး အရင်ကလိုပါပဲ ပြသာနာတွေပုံမှန်ဖြစ်ရင်း
ပြန်ချစ်ရင်းနဲ့ သူတို့ရဲ့ ချစ်ခြင်းနေ့တွေကို အသက်ဆက်နေကြပါတယ်....

ပြသာနာဖြစ်တိုင်း များသောအားဖြင့်ထည့်မရေးတတ်ခဲ့ပါဘူး...
ဒါပေမယ့် ဒီတခါဖြစ်တဲ့ ပြသာနာက အရင်ကနဲ့မတူဘူးထင်လို့ ရေးမှာပါ...

အရင်ကထက်လဲဆိုးပါတယ် ဖြစ်သမျှထဲမှာ အဆိုးဆုံးလို့ပြောရမလားမသိပါဘူး...

အဲ့ဒီနေ့ မနက် ကောင်မလေးရဲ့ အလုပ်သွားချိန် မှာ
ဖုန်းပြောဖြစ်ခဲ့တာပေါ့...

မနက်နေအရမ်းပူတော့ ကောင်ငမလေးက ပူတာကိုအရမ်းမုန်းတဲ့သူလေ
နေပူလေလေ ကောင်မလေးက တယောက်ထဲဒေါသတွေထွက်လေလေပါပဲ
ကောင်လေးကလဲ ကောင်မလေး ဒေါသထွက်နေမှန်းသိပါတယ်
ဒါကြောင့် ကောင်မလေး စိတ်ပြောင်းသွားအောင်
ကောင်မလေးကို စလိုက်နောက်လိုက် လုပ်နေတာပေါ့

ဒါပေမယ့် ကံဆိုး ချင်တော့ ကောင်လေးပြောနေတာကို ကောင်မလေးက
ကောင်း ကောင်းမကြားရဘူးဖြစ်နေတယ်
နဂိုကမှဒေါသထွက်နေတဲ့ ကောင်မလေး အဲ့ဒီလိုဖြစ်တော့ ဒေါသတွေပိုထွက်လာပြီး

ကောင်လေးကို အော်လိုက်မိတယ်....
ကောင်လေးကလဲ စိတ်ထဲမှာချက်ချင်း တင်းသွားတယ်...
ကောင်မလေး ကို ပျော်စေချင်လို့ စိတ်ပြောင်းသွားဖို့ စနေနောက်နေတာကို
အအော်ခံလိုက်ရတော့ စိတ်ထဲတင်းသွားတာပေါ့....

ဒါနဲ့ ကောင်မလေးကို ပြောလိုက်တယ်...
ဒေါသတွေ ဒီဖက်လှည့်လာတော့မယ်ထင်တယ် အခြေအနေမကောင်းဘူးလို့
ပြောလိုက်တော့ ကောင်မလေးက နေအရမ်းပူနေလို့ပါတဲ့
ရပါတယ်လို့ပြန်ပြောတယ်.....

ကောင်လေးက ဆက်ပြောလို့ဖြစ်သေးရဲ့လားလို့ မေးလိုက်တော့
ကောင်မလေး အရမ်းကိုဒေါသထွက်သွားတယ်....
ရပါတယ်ပြောနေရင်းနဲ့ ပြောလို့ဖြစ်သေးလားလို့မေးရမလားဆိုပြီး

ကောင်မလေးရဲ့ ဒေါသအားလုံး ကောင်လေးပေါ်ရောက်သွားတော့တယ်
ကောင်လေးကို ဒေါသသံတွေနဲ့ အော်လိုက် ပြောလိုက် လုပ်တော့တာပေါ့

ကောင်လေး ကောင်မလေး ကို အေးအေးဆေးဆေးပြန်ပြောပါသေးတယ်
ကောင်ငမလေးကို ဒေါသတွေလျော့ဖို့ စိတ်တွေလျော့ဖို့ပြန်ပြောပါတယ်
ဒါပေမယ့် မရပါဘူး ကောင်မလေး ဒေါသတွေက အထွတ်အထိပ်ကိုရောက်နေပြီဆိုတော့
နဲနဲမှမလျော့ခဲ့ဘူး.....

ကြာတော့ ကောင်လေး လဲ စိတ်တိုလာပြီး......
ကောင်မလေးကိုပြန်အော်လိုက်မိတယ်......
ပြီးတော့ဖုန်းချသွားတယ်......

ဒီလို ကောင်မလေးနဲ့ ကောင်လေး တို့ ပြသာာနာတခုကို အစဖော်ပြီး
ဖုန်းချသွားလိုက်တာ....
အဲ့ဒီပြသာနာရဲ့ နောက်ဆက်တွဲကို နှစ်ယောက်လုံး မစဥ်းစားခဲ့ကြဘူး.........

ဒီလိုနဲ့.....
ကောင်လေးလဲအရမ်းစိတ်တိုသွားပြီး ပြန်အိပ်လို့မရတော့ဘူး
မနက် ၇ နာရီခွဲလောက်မှ အိပ်ပျော်သွားခဲ့တယ်
တညလုံးလဲမအ်ိပ်ရသေးတော့ လုံးဝမနှိုးတော့ပဲ အိပ်ပျော်သွားတယ်
ကောင်မလေးရဲ့ရုံးဆင်းချိန်တောင် ကောင်လေး မနှိုးတော့ပါဘူး

ဒါကြောင့် ကောင်မလေးဆီဖုန်းမဆက်လိုက်နိုင်ဘူး
ကောင်မလေး အိမ်ပြန်ရောက်လာတဲ့ အထိ ကောင်လေး မနှိုးခဲ့ဘူး....

ကောင်မလေးကလဲ ဒေါသထွက်ပြီးစိတ်တိုနေခဲ့တော့....
ပြန်ရောက်ရောက်ချင်း အရင်က ကောင်လေး အမြဲစောင့်နေကြ
အခုကောင်လေးကိုမတွေ့တော့ ပိုဆိုးသွားပြီး....

ကောင်လေးကို ဘယ်တော့မှမတွေ့စေရဘူး တသက်လုံးအတွက် နှုတ်ဆက်ပါတယ်လို့
စာရေးခဲ့တယ်...
ကောင်လေး နှိုးလာတော့ ... အဲ့ဒီစာကိုတွေ့တာနဲ့
ချက်ချင်း ကောင်မလေးဆီကို ဖုန်းခေါ်တယ်..

ဒါပေမယ့် ကောင်မလေးက ဖုန်းမယူသွားခဲ့ဘူး...
ဖုန်းကို အခန်းထဲမှာ ထည့်ထားခဲ့တယ်...
ကောင်လေး ခနခန ခေါ်တယ် ဖုန်းမကိုင်တော့
ကောင်လေးရဲ့ မနက်က ဒေါသတွေကပြန်ဖြစ်လာပြီး
ပြန်စိတ်တိုလာတယ်...

အဲ့ဒီမှာ နှစ်ယောက်စလုံး ဒေါသကိုယ်စီနဲ့ ပြန်ဖြစ်သွားတာပေါ့.....
ဒီလိုနဲ့ ကောင်မလေး အိမ်ကိုပြန်ရောက်လာတော့
ကောင်လေး ဖုန်းဆက်ပြီး ကောင်မလေးကို ဘယ်သွားနေတာလဲဘာလုပ်နေတာလဲမေးတော့တာပေါ့

ကောင်မလေးကလဲ အလုပ်ကိစ္စ္စတခုနဲ့ သွားနေရတဲ့အကြောင်းပြောပြတယ်
အေးအေးဆေးဆေးပြောပြတာပါပဲ...
ဒါပေမယ့် ကောင်လေးကလဲ စိတ်တိုနေပြီဆိုတော့
အခြေအနေက မအေးဆေးခဲ့ဘူး....

ဒီလိုနဲ့ မပြေမလည်စကားတွေပြောနေရင်း
တယောက်နဲ့ တယောက် အခြေအတင် စကားတွေများလာလိုက်တာ
အဆိုးဆုံးအခြေအနေတခုကိုရောက်သွားခဲ့တယ်.....

ကောင်လေးက ကောင်မလေးကို မေးတယ်
ချစ်သေးရဲ့လားလို့ မေးတော့ ......
ကောင်မလေး ကလဲ မချစ်ဘူးဆိုရင် ဘာဖြစ်မှာလဲတဲ့...

ကောင်လေးကလဲ သိချင်ရင် မချစ်ဘူးလို့ ပြောကြည့်လိုက်လို့ ပြန်ပြောလိုက်တယ်
ကောင်မလေးကလဲ ချက်ချင်းပဲ မချစ်ဘူး တဲ့....

အဲ့ဒီလိုလဲပြောလိုက်ရော ကောင်လေးရဲ့စိတ်ထဲမှာ
စိတ်မကောင်းသလိုလို စိတ်ထဲမှာ တခုခုလွတ်သွားသလိုလို
တခုခုကိုဆုံးရှုံးလိုက်ရသလိုခံစားလိုက်ရတယ်...

ကောင်မလေးကတော့ဘယ်လိုခံစားချက်နဲ့ပြောလိုက်လဲမသိပါဘူး
ကောင်လေးဖက်ကတော့ တော်တော်ထိသွားပါတယ်...

ကောင်မလေးရဲ့ အဲ့ဒီမချစ်တော့ဘူးဆိုတဲ့ စကားကြားပြီးတာနဲ့
ကောင်လေးချက်ချင်းကိုအေးစက်စက်ဖြစ်သွားခဲ့တယ်...

ဒါကြောင့်ပဲလားတော့ မသိပါဘူး အခြေအနေက ပိုဆိုးသွားခဲ့တယ်
နောက်ဆုံး အဆိုးဆုံး အခြေအနေတခုကို ကောင်မလေး နှုတ်ခမ်းတစုံက
ပြောထွက်လာတယ်.......

မေ့လိုက်ပါတော့ တဲ့...........
အဲ့ဒီလိုပြောပြီး ကောင်မလေး ချက်ချင်း ဖုန်းချသွားတယ်.....
တနေ့လုံး ပြသာတွေဖြစ်နေခဲ့ တာ

နောက်ဆုံး အခြေအနေတခု တောင် ရောက်လာတဲ့ဖြစ်သွားတော့
ကောင်လေး ဘယ်လိုမှမခံနိုင်ဘူး...

ကောင်မလေး ကိုချက်ချင်းဖုန်းပြန်ခေါ်ပြီး...
ပြန်မေးတယ်....
ကောင်မလေး အသက်ရှူတွေကြပ်နေပြီလေ....
ကောင်လေးကလဲ ကောင်မလေးအသက်ရှူကြပ်နေတာကိုသိသိကြီးနဲ့
ဘာမှဂရုမစိုက်ပဲ လိုချင်တာကိုပဲ ရအောင်မေးပြီး
ပြောချင်တာတွေပဲ ပြောနေလိုက်မိတယ်...

ကောင်မလေး စကားတောင်ပြန်မပြောနိုင်လောက်အောင်
အသက်ရှူတွေကြပ်လာခဲ့တယ်...
ကောင်မလေးအသက်ရှူကြပ်နေတာနဲ့ ပတ်သက်ပြီး
ကောင်လေး တခွန်းမှမပြောခဲ့ဘူး....

နောက်ဆုံး ကောင်မလေးလဲလုံးဝ မခံနိုင်တော့လို့
ခနလေး သက်သာသွားအောင်နေပါရစေ
ပြီးမှပြန်ပြောမယ်ဆိုပြီး....ဖုန်းချသွားခဲ့တယ်....

ဒီလိုနဲ့ ကောင်မလေး သက်သာလာတော့ .. ကောင်လေးကိုပြန်ခေါ်ပြီးပြောတာပေါ့
မေ့လိုက်ပါတော့ ဆိုတဲ့ စကားကမပြောင်းသွားပါဘူး...
ပိုဆိုးလာတာပါပဲ....

မေ့လိုက်ပါတော့တဲ့
နောက်ထပ်ကောင်မလေး တယောက်ထပ်ရှာပေါ့တဲ့...
နေနိုင်နေတာပဲတဲ့.....

အဲ့ဒီလိုစကားတွေပြောထွက်လာတယ်.....
ကောင်လေး ဘယ်လိုမှနေလို့မရတော့ဘူး..... တခါမှလဲ ကောင်မလေးနဲ့လမ်းခွဲဖို့မစဉ်းစားဖူးဘူး
ကောင်မလေးကို အမြဲတမ်းချစ်နေမယ်... ကောင်မလေးနဲ့ ဘယ်တော့မှမခွဲရဘူးလို့
ကောင်လေးစိတ်ထဲမှာ စွဲနေခဲ့တာလေ......

ဒေါသတွေနဲ့ စိတ်တိုနေတာတွေ မာနတွေအားလုံးဘေးမှာထားပြီး
ကောင်မလေးကို တခုချင်း အေးအေးဆေးဆေးနဲ့ ပြန်ရှင်းပြတယ်...
ပြန်ဆွေးနွေးတယ်...ပြန်တိုင်ပင်တယ်..

ကောင်မလေး ဖက်ကလက်ခံခဲ့ပါတယ်...
ဘယ်လိုစိတ်မျိုးနဲ့ လက်ခံခဲ့တယ်ဆိုတာတော့ ကောင်လေးမသိနိုင်ပါဘူး...
စိတ်ထဲမှာဒဏ်ရာတခုခုရှိလျှက်နဲ့ ဘာမှမဖြစ်ချင်ဟန်ဆောင်ပြီး
ပြန်လက်ခံခဲ့တာလား....

ဒါမှမဟုတ် တကယ်ပဲ နားလည်နိုင်လို့ ပြန်လက်ခံခဲ့တာလားတော့မသိပါဘူး...
ကောင်မလေးရဲ့ စိတ်ထဲမှာဒဏ်ရာ တခုခုကျန်နေပြီး
ပြန်လက်ခံတာမျိုးတော့ ကောင်လေး မဖြစ်စေချင်ဘူး.....

အခုတော့ ကောင်မလေးရီရီပြုံးပြုံး နဲ့ စကားတွေပြန်ပြောနေပါပြီ
ဒါပေမယ့် ကောင်မလေးရဲ့ စိတ်ထဲမှာရော ရီရီပြုံးပြုံးနဲ့ပျော်နေရဲ့လား
ကောင်လေးအရမ်းသိချင်ပါတယ်.....

ဒါပေမယ့် ကောင်လေး သိချင်လို့ ကောင်မလေးကို မေးရင်
သေချာတဲ့ အဖြေကတော့ ပျော်ပါတယ်လို့ပြောမှာပါ....

ကောင်မလေးရေ..............
စိတ်ထဲမှာ ဒဏ်ရာ တွေကိုမွေးမထားပါနဲ့...........
စိတ်ထဲမှာ ရှိနေတာကို ပြောပြပေးပါလား....................

အခု ဒီလိုပြသာနာ ကို မရေးဘူးလို့ စဉ်းစားထားပေမယ့်
ဒီမှာရေးလိုက်တဲ့ အတွက်များ......
ပြသာနာဖြစ်တဲ့အကြောင်းတွေပြန်ဖတ်ပြီး.....
နောက်ဒီလိုပြသာနာမျိုးမဖြစ်အောင် နှစ်ယောက်လုံး ရှောင်နိုင်မလားဆိုပြီး
ရေးလိုက်တာပါ..........

ဘာပဲဖြစ်ဖြစ်ပါ....... ဘယ်လိုပြသာနာတွေပဲဖြစ်ဖြစ်
ကောင်မလေးကို ကောင်လေးဖက်က မမုန်းခဲ့ပါဘူး.....
စွန့်လဲမစွန့်လွှတ်နိုင်ခဲ့ပါဘူး.......
လမ်းလဲမခွဲနိုင်ခဲ့ပါဘူး........
အချစ်တွေလဲ မလျော့သွားခဲ့ပါဘူး.........

ဒါပေမယ့် ကောင်မလေးဖက်ကတော့..............



အရမ်းချစ်တယ် ပိုး ရယ်............