ဘာလိုလိုနဲ့ နေရာတခု အထီးကျန်နေတာတော်တော်ကြာနေပြီ
သူလဲမရောက် ကိုယ်တိုင်ကလဲမရောက်နဲ့
ခြောက်ကပ်ပြီး တိတ်ဆိတ်နေတဲ့ နေရာလေးတခုဖြစ်နေတာ
ဘယ်လောက်တောင်ကြာခဲ့ပြီလဲမသိဘူး
ခြောက်ကပ်နေပါတယ်ဆိုတဲ့ ဒီနေရာလေးကို လာဖို့ စိတ်ကူးတွေနဲ့
ဒီနေရာမှာ အရင်ကလို စာတွေရေးဖို့ စိတ်ကူးတွေ အစီအစဉ်တွေ အများကြီးရှိနေခဲ့တာကတော့အမှန်ပါ
ဒါပေမယ့် အခြေအနေအကြောင်းအကြောင်းကြောင့်ရယ်
အချိန်မရတာတွေကြောင့်ရယ် ဒီနေရာလေးကို မရောက်ဖြစ်ခဲ့ဘူး
ကောင်မလေး တယောက်ကတော့ ဒီနေရာလေးကို မှတ်မိနေလောက်ပါရဲ့
သတိလဲရနေလောက်ပါရဲ့....
ဒါပေမယ့် သူကိုယ်တိုင်လဲ ဒီနေရာလေးကို ၀င်မကြည့်ဖြစ်တာတော်တော်ကြာခဲ့ပြီထင်တယ်
အမှတ်တရပေါင်းများစွာကို ဒီနေရာလေးမှာ
နှစ်ယောက်အတူတူ လာထားတတ်ကြတဲ့
ကောင်မလေးနဲ့ ကောင်လေးတို့နှစ်ယောက်
ကောင်မလေးနဲ့ ကောင်လေးတို့နှစ်ယောက်ဆိုတာထက်
သိပ်ချစ်ကြတဲ့ ချစ်သူနှစ်ယောက်ဆိုပါတော့
အမှတ်တရပေါင်းများစွာ
ပျော်ရွှင်စရာပေါင်းများစွာ
စိတ်ညစ်စရာစရာပေါင်းများစွာတို့ရဲ့
ရင်ဖွင့်စရာနေရာလေးက အခုတော့ ဘာမှမရှိတော့တဲ့ နေရာလေးလိုဖြစ်နေခဲ့ပြီ
အမှတ်တရတွေဖြစ်တဲ့ တလတခါတော့ ပုံမှန်ရေးနေကြ ၉ ရက်နေ့မှာတောင်
ဘာမှလာမရေးဖြစ်ခဲ့ကြပါဘူး နှစ်ယောက်လုံး မရောက်ဖြစ်ခဲ့ကြဘူး
တခြားတခြားသော အမှတ်တရများစွာနဲ့သာ ပျော်နေခဲ့ကြတယ်
ဘာပဲဖြစ်ဖြစ်ပါ အခုတော့ ရောက်လာပါပြီ ......
အမှတ်တရပေါင်းများစွာ
တပွေ့တပိုက်ကြီး သယ်ပြီး ရေးမယ့် လူကတော့ ရောက်လာပြီး
စာတွေစီချ လို့ ခံစားချက်တွေနဲ့
အမှတ်တရတွေအားလုံး ကို ဒီနေရာလေးမှာ လာသိမ်းနေပါပြီ
လာသိမ်းထားတဲ့ အမှတ်တရတွေကိုတော့ ကောင်မလေး တယောက်လာကြည့်နိုင်ပါစေ
အမှတ်တရသိမ်းထားတဲ့ ဒီနေရာလေးက အမှတ်တရတွေကို ကောင်မလေးတယောက်......
မှတ်မှတ်ရရ လာကြည့်နိုင်ပါစေလို့.........
အခုစရေးမှာတော့ အမှတ်တရ တွေအားလုံးပေါ့....
အခု ၂၂ ရက်နေ့ ၄ လပိုင်း ရဲ့ အနီးစပ်ဆုံး
အမှတ်တရနေ့လေး တခုကနေစရေးပါမယ်.....
အနီးစပ်ဆုံး နဲ့ အမှတ်တရရှိနေမယ့် နေ့ကတော့ ၁၆ ရက်နေ့ပါပဲ.....
သင်္ကြန် အတက်နေ့ဆိုပါတော့....
အဲ့ဒီနေ့က ..... မှတ်မှတ်ရရ ကောင်လေးရဲ့မွေးနေ့ပါ...
ကောင်လေး အတွက် မွေးနေ့ ဆိုတာကို
အမှတ်တရ ဘယ်သူကမှ လုပ်ပေးလေ့မရှိခဲ့ပါဘူး ...
ကောင်လေး ကိုယ်တိုင်ကတောာင် မွေးနေ့ဆိုတာကို မေ့မေ့နေတတ်ပါတယ်
ဒါပေမယ့် ကောင်မလေး ကတော့
ကောင်လေး မွေးနေ့အတွက် အမှတ်တရတွေအများကြီးလုပ်ပေးခဲ့တယ်....
အရမ်းကို အလိုက်သိပြီး အရမ်းကို ချစ်ဖို့ကောင်းတဲ့ကောင်မလေး ပေါ့....
ကောင်လေး ရဲ့မွေးနေ့မတိုင်ခင်မှာပဲကောင်မလေး က
ကောင်လေးအတွက် သူကိုယ်တိုင် လုပ်ထားတဲ့ ပုံလေးတပုံကို မွေးနေ့လက်ဆောင်အဖြစ်ပေးခဲ့တယ်....
အရမ်းကို ကြည်နူးစရာကောင်းပြီး
အရမ်းကို စိတ်ချမ်းမြေ့စရာကောင်းတဲ့ မွေးနေ့လက်ဆောင်လေးပါ
တကယ့်ကို အမှတ်တရဖြစ်စရာလေးပါပဲ ....
ကောင်မလေး ပေးခဲ့တဲ့ ပုံက...............
တခြားသော လူများအတွက်ကတော့ သိပ်ရိုးရှင်းတဲ့ ပုံလေးတပုံဖြစ်နေပါလိမ့်မယ်
ကောင်မလေး နဲ့ ကောင်လေး အတွက်တော့
အရမ်းကို ကြည်နူးစရာကောင်းတဲ့ ပုံလေး တပုံပါပဲ
ကောင်လေး ရဲ့ စိတ်ထဲမှာ ပုံလေး ကြည့်ကြည့်ပြီးအရမ်းပျော်ပါတယ်
အရမ်းကြည်နူးနေခဲ့ပါတယ်
ပုံလေးက ရိုးရိုးရှင်းရှင်းလေးပေမယ့်
ကောင်လေးအတွက်တော့ အဓိပာယ်ပေါင်းများစွာပါဝင်နေသလိုပဲ
ကိုယ့်ရဲ့ ချစ်သူ ကိုယ်တိုင်လုပ်ထားပေးတာ ကြောင့်လားတော့မသိဘူး
ဘယ်လိုမှ တန်ဖိုးဖြတ်မရသလိုပဲ ဘာနဲ့မှလဲမလဲ နိုင်ဘူး.....
အရမ်းကို ပြီးပြည့်စုံတဲ့ မွေးနေ့လက်ဆောင်လေး တခုပါပဲ ...... ကောင်မလေးရေ
ကောင်မလေး ကလဲ သူပေးထားတဲ့ မွေးနေ့လက်ဆောင်လေးအတွက်
ကောင်လေးဆီက တခုတောင်းဆိုပါတယ် ......
ကောင်မလေးလုပ်ပေးထားတဲ့ ပုံကို ကောင်လေး ကွန်ပြူတာရဲ့ destopbackground မှာ အမြဲတမ်းထားပေးဖို့ပါပဲတဲ့ ........
အရမ်းကို စိတ်ကူး ကောင်းတဲ့ ကောင်မလေးပါ.....
အရမ်းလဲ စဉ်းစားတတ်ပါတယ် .....
ဒါမှ ကွန်ပြူတာကို ဖွင့်လိုက်တာနဲ့ အဲ့ဒီပုံကို အရင်မြင်ရမှာလေ.....
ပြီးတော့ ကွန်ပြူတာ ဖွင့်ပြီး ကွန်ပြူတာ ရှေ့မှာ ရှိနေမယ့်
တချိန်လုံး အဲ့ဒီပုံလေးကိုမြင်နေရမှာ မဟုတ်လား
အရမ်းကို တော်ပြီး အရမ်းချစ်ဖို့ကောင်မလေးပါ.........
ဒီလိုနဲ့ ကောင်လေးရဲ့ မွေးနေ့ မနက်ကိုရောက်လာခဲ့ပါတယ်......
ကောင်လေးရဲ့မွေးနေ့မနက်မှာတော့ ကောင်မလေး က မနက်စောစောထပြီး
ဘုရားမှာ သစ်သီးကပ်တယ် ဘုရားဝတ်ပြုဆုတောင်းပေးခဲ့ပါတယ်...
ကောင်လေးမွေးနေ့အတွက်ကို
ကောင်မလေးက ဘာသာတရား အနေနဲ့ပါ လုပ်ပေးခဲ့တယ်လေ.....
ဒီလိုနဲ့ ကောင်မလေးကတော့ ထုံးစံအတိုင်းအလုပ်ကိုသွားခဲ့တယ်....
အရင်လိုပါပဲ ကောင်မလေး အလုပ်ကပြန်လာပြီး
ကောင်လေး နဲ့စကားတွေပြောဖြစ်ခဲ့ကြတယ်
ကောင်မလေးက ကောင်လေးအတွက် မွေးနေ့မှာ အမှတ်တရလုပ်ပေးစရာတခုကျန်သေးတယ်လို့ပြောပြီး
ကောင်လေးကို ရေမိုးချိုး အ၀တ်အစားလဲပြီး ဘုရားရှိခိုး ဖို့ပြောတယ်
ကောင်လေးကလဲ ရေမိုးချိုး အ၀တ်အစား လဲ ဘုရားရှိခိုးတာပေါ့
ဒီလိုနဲ့ ဘုရားရှိခိုးပြီး ကောင်လေး ပြန်လာတော့
ကောင်မလေး တယောက် ကောင်လေး ရှေ့မှာ ကျုံ့ကျုံ့လေးထိုင်ပြီးတော့
ကောင်လေးကို ဦး ၃ ကြိမ်ချပြီး ရှိခိုးပါတယ်...
ကောင်မလေးဖက်က
မယဉ်မကျေး ပဲ ပြစ်မှားပြောဆိုခဲ့တာရှိရင်ခွင့်လွှတ်ပေးဖို့လဲပြောပါတယ်
ကောင်လေး စိတ်ထဲမှာ ဘယ်လိုတွေဖြစ်ကုန်မှန်းမသိဘူး
အရမ်းကိုကြည်နူးသွားသလို ပျော်သွားသလိုပါပဲ
ကိုယ်တိုင်ခံစားဖူးမှ အဲ့ဒီခံစားချက်က ဘယ်လောက်ထိကြည်နူးပျော်စရာကောင်းတယ်ဆိုတာသိပါလိမ့်မယ်
ဒီလို ကြည်နူးတယ်ပျော်တယ်ဆိုတာလောက်လေးချရေးတာနဲ့
ဘယ်လိုမှမလုံလောက်တာကတော့အမှန်ပါပဲ
ဒီလိုနဲ့ ကောင်လေးရဲ့ မွေးနေ့က ပြီးသွားခဲ့ပါတယ် ......
ကောင်လေးမွေးနေ့အတွက် ကောင်မလေး တယောက် ကောင်လေးရဲ့စိတ်ထဲမှာ ကျေနပ်ပီတိဖြစ်သွားအောင်
ကြည်နူးအောင် ပျော်ရွှင်အောင် တခုပြီးတခုလုပ်ပေးခဲ့တယ်
အရမ်းကိုချစ်စရာကောင်းတဲ့ ကောင်မလေးပါ.......
အခုရေးမှာကတော့ မရေးဖြစ်ခဲ့တဲ့ ဒုတိယ အမှတ်တရလေး တခုပါ..
ဘာလဲဆိုတော့ ကောင်မလေးနဲ့ ကောင်လေးတို့ရဲ့ ချစ်သူသက်တမ်း ၉ လပြည့်တဲ့ အမှတ်တရနေ့လေးပါ
အဲ့ဒီနေ့အတွက် ကောင်လေးက အမှတ်တရမလုပ်ပေးတော့ဘူး
ကောင်မလေး လုပ်ပေးရမယ်လို့ပြောခဲ့ဖူးတယ်....
ကောင်မလေးကလဲ လုပ်ပေးပါမယ်လို့ပြောခဲ့ဖူးတယ်
တကယ့်ကို အမှတ်တရနေ့လေး တနေ့ဖြစ်သွားခဲ့တယ်ဆိုပါတော့ . . . . . .
ချစ်သူသက်တမ်း ၉ လပြည့်တဲ့နေ့မှာ နှစ်ယောက်လုံး ချစ်ချစ်ခင်ခင်နဲ့
မှတ်မှတ်ရရ ဖြစ်အောင် အကြီးအကျယ် စကားများရန်ဖြစ်ခဲ့တယ်....
အရင်ရန်ဖြစ်နေကြလိုပါပဲ တကယ့်ကို ကြီးကြီးကျယ်ကျယ်ပါပဲ
ရန်ဖြစ်တိုင်းလဲ သေးသေးဖွဲဖွဲကမရှိသလောက်ရှားတာဆိုတော့ ကြီးကြီးကျယ်ကျယ်လို့ပဲပြောရတော့မှာပေါ့
ဒီလို စကားတွေများ ရန်ဖြစ် စကားနိုင်တွေလုကြရင်း
အမှတ်တရ နေ့လေးတနေ့ကို ဖြတ်သန်းကုန်လွန်ခဲ့တယ်
သိပ်ချစ်ကြတဲ့ ချစ်သူ နှစ်ယောက်ပါ.......
ဒီလိုနဲ့ပဲ ချစ်သူသက်တမ်း ၉ လပြည့်တဲ့နေ့မှာ တယောက် ကတယောက် ကို
ဘာအမှတ်တရမှမလုပ်ပေးနိုင်ခဲ့ကြပါဘူး......
အခုရေးမှာကတော့ မရေးဖြစ်ခဲ့တဲ့ တတိယ အမှတ်ရစရားလေး တခုဆိုပါတော့...
ပုံမှန်အမှတ်တရ လေးတွေထက်ပိုပြီး အမှတ်တရဖြစ်နေရမယ့်
အမှတ်တရလေးတခုပါ..
ဘာလဲဆိုတော့ ......
၆ ရက်နေ့ ၄ လပိုင်း အင်္ဂါနေ့ ကပြီးသွားခဲ့တဲ့
ချစ်ရတဲ့ ကောင်မလေး ရဲ့မွေးနေ့လေးပါပဲ.....
ကောင်လေးသိရသလောက် ကောင်မလေးအတွက်မွေးနေ့ဆိုတာ
နှစ်တိုင်းလိုလိုမွေးနေ့ပွဲလေး လုပ်တတ်တယ်ဆိုတာပါပဲ
အဲ့ဒီတော့ ကောင်မလေး မွေးနေ့အတွက်
ကောင်လေးတခုခုလုပ်ပေးမယ်လို့စဉ်းစားထားပါတယ်
ကြိုပြီးစဥ်းစားထားတယ်ဆိုပါတော့
ဒါပေမယ့် ကောင်လေးဘာလုပ်ပေးမယ်ဆိုတာကိုတော့
ကောင်မလေးကို အသိမပေးခဲ့ဘူး......
ကောင်မလေးကတော့ ကောင်လေး ဘာများလုပ်ပေးမလဲလို့
စဉ်းစားနေခဲ့မယ်လို့ထင်တာပါပဲ
ဒီလိုနဲ့ ၆ ရက်နေ့ကိုရောက်လာတာပေါ့....
၆ ရက်နေ့ ကောင်လေး ကျောင်းကပြန်လာပြီးတော့
ကောင်မလေးကို ဘာတွေများလုပ်ပေးမယ်ထင်လဲဆိုတော့
ကောင်မလေး က အရင်လုပ်ပေးနေကြတွေပဲပြောခဲ့ပါတယ်....
တခုမှမမှန်ခဲ့ဘူး...
ဒါပေမယ့်နောက်ဆုံးတော့
ကောင်လေးကပြောပြရင်းပြောပြရင်းမှန်သွားခဲ့တယ်လေ
ဘာလဲဆိုတော့
ကောင်မလေးအတွက် မွေးနေ့ ကိတ်လေး ၀ယ်လာပြီးတော့
ကောင်မလေး မွေးနေ့အတွက်
ကောင်လေး က သူငယ်ချင်းတွေခေါ်ပြီး ကိတ်မုန့်လှီးကျွေးရင်း
Happybirthday လုပ်ပေးတာပေါ့ ......
ကောင်လေးသူငယ်ချင်းတွေအများကြီးနဲ့
ဆူညံပြီးပျော်ဖို့ကောင်းနေတာတော့အမှန်ပါပဲ
အဲ့ဒီအချိန်မှာ ကောင်မလေး ရဲ့မျက်နှာလေး က ပြုံးပြီး ရှင်းရှင်းလေးနဲ့ အရမ်းကိုချစ်ဖို့ကောင်းနေခဲ့တယ်
ကောင်မလေးရဲ့ စိတ်ထဲမှာ ရင်ထဲမှာ
ဘယ်လောက်ထိကြည်နူးနေမယ်ဆိုတာကတော့
ကောင်မလေး တယောက်ပဲ အသိဆုံးဖြစ်မှာပါ .......
ကောင်လေး အတွက်ကတော့
ကောင်မလေးရဲ့ ပြုံးနေ ပျော်နေတဲ့ မျက်နှာလေးမြင်နေရတာနဲ့တင်
ကျေနပ်ခဲ့တယ် ..... ပျော်ခဲ့တယ် ...
အတိုင်းမသိဆိုပါတော့.......
ကောင်လေးလုပ်ပေးခဲ့တဲ့ ကောင်မလေးအတွက် မွေးနေ့ကိတ်လေးကတော့ .......
ဒီလိုလေး ကောင်လေးနဲ့ ကောင်မလေး တယောက်နဲ့တယောက်
အမှတ်တရကိုယ်စီလေးတွေလုပ်ပေးရင်း ချစ်ခဲ့ကြတာ
၉ လတောင်ကျော်ခဲ့ပါပြီ....
မကြာခင်မှာ ပဲ ၁ နှစ်ဆိုတဲ့ အချိန်လဲပြည့်ပါတော့မယ်....
ဒီလိုအမြဲ တယောက်နဲ့ တယောက် မေ့မရတဲ့ အမှတ်တရကိုယ်စီနဲ့ပဲ
တဘ၀လုံးလက်တွဲပြီး တူတူဖြတ်သန်းရင်း
ပျော်ရွှင်စရာတွေဆက်ဖန်တီးဖြစ်ကြဦးမှာပါ.....
ကောင်မလေးရေ......
ဘယ်တော့မှမမေ့နိုင်တဲ့ အမှတ်တရတွေနဲ့အတူ ကောင်လေးရဲ့ရင်ထဲမှာ
အမြဲထာဝရတဘ၀လုံး နေပေးပါလို့....
ဘယ်တော့မှမမေ့နိုင်တဲ့အမှတ်တရတွေနဲ့ အတူ ကောင်မလေးရဲ့ရင်ထဲမှာလဲ
အမြဲထာဝရတဘ၀လုံး နေပါရစေလို့......
အချိန်တိုင်းသာ ..........
ချစ်သူအတွက် သီချင်း တပုဒ်.....
သူနဲ့ကျွန်တော်.....
Thursday, April 22, 2010
အမြဲထာဝရတဘ၀လုံး နေပါရစေလို့......
Posted by ချစ်ရသူအတွက်အမှတ်တရ at 8:08 AM
Subscribe to:
Post Comments (Atom)
0 comments:
Post a Comment